O‘zbekiston – bag‘rikeng diyor” shiori ostida bayram tadbiri bo‘lib o‘tdi
2025-11-13 18:10:00 / Yangiliklar
16-noyabr — Xalqaro bag‘rikenglik kuni munosabati bilan Amudaryo tumani Madaniyat bo‘limida mazkur sana doirasida katta madaniy-ma’naviy bayram tadbiri tashkil etildi.
Tadbirda tuman hokimi o‘rinbosari Nodirbek Kamolov, tuman “Nuroniy jamg‘armasi” bo‘limi boshlig‘i Bekmon ota Allaberganov, Din ishlari bo'yicha qo'mitaning Amudaryo tumani bo'yicha bosh mutaxassisi Muzaffar Sherimbetov va boshqa soha vakillari ishtirok etishdi. So‘zga chiqqanlar bag‘rikenglik, millatlararo totuvlik, o‘zaro hurmat va mehr-oqibat tamoyillari yurtimizda tinchlik va barqarorlikni ta’minlashdagi beqiyos o‘rni haqida so‘z yuritdilar.
🔹 Ta’kidlandiki, O‘zbekiston ko‘p millatli va ko‘p madaniyatli yurt sifatida turli elat va xalqlar o‘rtasidagi do‘stlik va ahillikni eng oliy qadriyat darajasiga ko‘targan.
🔹 Tadbir davomida ishtirokchilarga bag‘rikenglik g‘oyasini targ‘ib etuvchi chiqishlar, kuy-qo‘shiqlar namoyish etildi.
Bayram tadbiri mobaynida tuman Madaniyat bo‘limi tomonidan tayyorlangan rang-barang konsert dasturi barchaga ko‘tarinki kayfiyat ulashdi.
Bag‘rikenglik — bu hamjihatlik, mehr va do‘stlik timsoli. Bu kabi tadbirlar esa xalqimiz orasida totuvlik va birlik ruhini yanada mustahkamlaydi!