Amudaryo tumani Maktabgacha va maktab ta’limi bo‘limi tomonidan 2025–2026 o‘quv yili uchun o‘tkazilgan asosiy fanlar olimpiadasi tuman bosqichi g‘oliblarini taqdirlash marosimi bo‘lib o‘tdi.

Tadbirda tuman MMTB boshlig‘i Yalg‘ash Shamuratov, bo‘lim mas’ullari, barcha maktab direktorlari, o‘quvchilar, ularning ota-onalari va ustozlar ishtirok etdilar.

Taqdirlash marosimida Yalg‘ash Shamuratov o‘quvchilarga tabrik so‘zlarini yo‘llab, ularning mehnatkash ustozlari hamda ota-onalariga minnatdorlik bildirdi. Shuningdek, yosh bilimdonlarga olimpiadaning keyingi bosqichida omad va kelajakdagi o‘qish hamda faoliyatlarida yuksak muvaffaqiyatlar tiladi.

Joriy o‘quv yilida o‘tkazilgan olimpiadada 15 ta fan yo‘nalishi bo‘yicha 135 nafar iqtidorli o‘quvchi faxrli g‘oliblikni qo‘lga kiritib, respublika bosqichiga yo‘llanma oldi.

Bu natijalar Amudaryo tumanida ta’lim sifatini yuksaltirish, iqtidorli yoshlarni qo‘llab-quvvatlash va ularni ilm-fan sari yetaklash borasidagi tizimli ishlarning amaliy ifodasidir.

 G‘olib o‘quvchilarimizni yana bir bor samimiy tabriklaymiz!
Ilm cho‘qqilarini zabt etishda sizga omad tilaymiz!