Germaniyaning IAMO instituti bilan qişloq xöjaligi suğurtasi sohasidagi hamkorlikning amaliy yönalişlari muhokama qilindi
2026-10-30 08:00:00 / Yangiliklar
Qişloq xöjaligi suğurtasi jamğarmasi hamda Germaniyaning IAMO — Ötiş davri iqtisodiyotida agrar rivojlanişni örganiş Leybnits instituti vakillari örtasida uçraşuv bölib ötdi.
Uçraşuvda IAMO instituti direktori professor Tomas Glauben (Thomas Glauben) va institut mutaxassisi doktor Ixtiyor Bobojonov iştirok etdi. Jamğarma tomonidan uçraşuvga direktor birinçi örinbosari Umid Nurmatov boşçilik qildi.
Muloqot davomida qişloq xöjaligi suğurtasi tizimini rivojlantiriş böyiça qator muhim yönalişlar muhokama qilindi. Xususan:
Germaniyaning qişloq xöjaligi suğurtasi sohasidagi tajribasi va uni Özbekiston şaroitida qöllaş imkoniyatlari;
Yaylov suğurtasini joriy etiş mexanizmlari va uşbu yönalişdagi xalqaro tajriba;
Indeksga asoslangan suğurta mahsulotlarini işlab çiqiş va amaliyotga tatbiq etiş;
Suğurta hodisalarini baholaşda mustaqil ekspertlarning roli, ularning faoliyatini taşkil etiş va malakasini oşiriş;
Imzolangan hamkorlik memorandumi doirasida Jamğarma faoliyatini rivojlantiriş va hamkorlikning keyingi amaliy qadamlari.
Şuningdek, tomonlar özaro tajriba almaşiş, qöşma tadqiqotlar ötkaziş, mutaxassislar salohiyatini oşiriş hamda zamonaviy suğurta mexanizmlarini işlab çiqiş böyiça hamkorlikni davom ettiriş masalalarini körib çiqdilar.
Mazkur uçraşuv IAMO instituti bilan yölga qöyilgan hamkorlikni amaliy bosqiçga olib çiqiş, xalqaro tajribani milliy suğurta tizimiga tatbiq etiş va qişloq xöjaligi işlab çiqaruvçilarini iqlim hamda tabiiy xavf-xatarlardan himoya qiliş mexanizmlarini takomillaştirişga qaratilgan muhim qadamdir.