Sirdaryo: innovatsion texnologiyalar va ilmiy tadqiqotlar
2025-03-29 18:00:00 / Yangiliklar
Vazir soha rivoji uchun zamonaviy infratuzilma yaratish ilm-fan taraqqiyotining ajralmas qismi ekanini alohida qayd etdi.
Bundan tashqari, ushbu hudud yaqinida 26 gektarlik ilmiy tajriba stansiyasi ham faoliyat yuritayotgani ta’kidlandi. Mazkur stansiyada qishloq xo‘jaligi ekinlarini zamonaviy texnologiyalar asosida yetishtirish bo‘yicha tajribalar olib borilmoqda. Bu yerda 76/10 sxema asosida g‘o‘za navlarini ekish ham ko'zda tutilhan bo‘lib, bu usul hosildorlikni oshirishda muhim o‘rin tutishi kutilmoqda.
Shuningdek, vazir Boyovut tumanida joylashgan “Shaxzodjon Fozilovich” fermer xo‘jaligiga ham tashrif buyurib, 30 gektarlik yer maydonining hozirgi holati bilan tanishdi. Fermer xo‘jaligida olib borilayotgan ishlarni ko‘zdan kechirarkan, u yerdagi ekinlarning rivojlanish jarayoni, hosildorlik ko‘rsatkichlari va ishlatilayotgan agrotexnik tadbirlar tahlil qilindi.
Vazir o‘z navbatida qishloq xo‘jaligi tarmog‘ida yer resurslaridan oqilona foydalanish, unumdorlikni oshirish va zamonaviy agrotexnologiyalarni joriy etish muhimligini ta’kidladi. Shuningdek, yetishtirilayotgan mahsulotning sifati va eksportbopligi masalasiga e’tibor qaratish lozimligini qayd etdi.