Vaqtdan unumli va samarali foydalanish bugungi davr talabidir
2025-03-29 15:45:00 / Yangiliklar
Hozirgi kunda mazkur hududda chigitlarni 76/10 sxema asosida ekish bo‘yicha zaruriy texnika va uskunalar – seyalkalar, shlanglar yetkazib kelingan bo‘lib, mavsumga qadar barcha agrotexnik tadbirlar bosqichma-bosqich joriy etilmoqda. Biroq ish olib borilayotgan joyda kamchiliklar kuzatilishi tabiiy. Xususan, urug‘lik chigitlarni ekishga tayyorlash hamda bu jarayonda to‘g‘ri yondashuvni qo‘llash bo‘yicha ayrim muammolar mavjudligi aniqlandi.
Vazir ushbu jihatlarga alohida e’tibor qaratib, vaqtdan samarali foydalangan holda mavjud kamchiliklarni bartaraf etish yuzasidan mutasaddilarga tegishli aniq vazifalar belgilab berdi.
Shuningdek, vazir tumandagi “Baxt nur chorva hamkor” fermer xo‘jaligiga ham tashrif buyurib, xo‘jalikka qarashli 200 gektar yer maydoni va chorvachilik kompleksi faoliyati bilan tanishdi. O‘rganish jarayonida mutasaddilar bilan muloqot qilib, kelgusida amalga oshirilishi rejalashtirilgan loyihalar va rejalar muhokama qilindi.
Vazir mavjud kompleksdan oqilona foydalanish, unumdorlikni oshirish va ilg‘or agrotexnologiyalarni joriy etish bo‘yicha qator muhim topshiriqlar berdi. U, shuningdek, zamonaviy texnologik innovatsiyalarni maksimal darajada tatbiq etish muhimligini ta’kidlab, har bir qarich yer maydonidan samarali foydalanish zarurligini qayd etdi.