O‘zbekiston va Ozarbayjon o‘rtasida yangi hamkorlik yo‘lga qo‘yilmoqda
2025-03-28 15:20:00 / Yangiliklar
Uchrashuvda Qishloq xo‘jaligi vazirligi vakillari mamlakatimizda sut va sut mahsulotlarini qayta ishlash borasida amalga oshirilgan ishlar, ishlab chiqarish quvvatlari hamda import-eksport ko‘rsatkichlari haqida ma’lumot berdi.
O‘z navbatida, “Milla” kompaniyasi vakillari O‘zbekistonning qishloq xo‘jaligi sohasidagi salohiyatini yuqori baholab, mamlakatimizda yangi ishlab chiqarish korxonasini tashkil etish rejalari borligini bildirdi.
Tomonlar kelgusida hamkorlikni yo‘lga qo‘yish va aniq takliflar ishlab chiqish borasida kelishib oldilar.
Ma’lumot uchun: “Milla” kompaniyasi 2011-yilda tashkil etilgan bo‘lib, kuniga 250 tonnagacha sut mahsulotlari ishlab chiqaradi. Kompaniya mahsulotlari Rossiya, Afg‘oniston, Kuvayt, Qatar, Gruziya, Iroq, BAA kabi davlatlarga eksport qilinadi.