Rasmiy munosabat
2025-02-20 10:00:00 / Rahbariyatning bayonotlari va nutqlari
O‘zbekiston Respublikasi Prezidentining qishloq xo‘jaligini rivojlantirish bo‘yicha belgilagan strategik yo‘nalishlari doirasida sohaga aloqador barcha masalalar bosqichma-bosqich isloh qilinmoqda.
Shu jumladan, fermer xo‘jaliklarini qo‘llab-quvvatlash, ularning ishlab chiqarish xarajatlarini optimallashtirish va samaradorlikni oshirish bo‘yicha tizimli ishlar amalga oshirilmoqda.
Shuni ta’kidlash lozimki, qishloq xo‘jaligi sohasida subsidiya va imtiyozlar berish bo‘yicha huquqiy asoslar O‘zbekiston Respublikasi qonunchiligiga muvofiq tartibga solinadi.
Qishloq xo‘jaligi sohasini yanada rivojlantirish, fermer xo‘jaliklarining samaradorligini oshirish va ularni qo‘llab-quvvatlash borasida olib borilayotgan islohotlar doirasida fermerlar tomonidan bildirilgan fikrlar va takliflar tegishli organlar tomonidan atroflicha o‘rganib chiqiladi hamda qonunchilik doirasida tegishli choralar ko‘riladi.