Unda vazirlik rahbariyati, adliya organi va muassasalarining rahbarlari hamda markaziy apparat xodimlari ishtirok etdi.

Tadbir avvalida adliya vaziri Akbar Toshqulov barchani qutlugʻ ayyom bilan samimiy tabrikladi. “Bosh qomusimiz — eng muhim hujjat qabul qilingan kun biz, huquqshunoslar, uchun oʻziga xos sana. Norasmiy kasb bayrami desa ham boʻladi. Konstitutsiyamiz — bu xalqimiz irodasi, davlatimizning huquqiy asosi va adolatli jamiyat barpo etishga yoʻnaltirilgan qimmatli hujjatdir. Yangilangan Konstitutsiya xalqimiz xohish-irodasiga tayangan holda ishlab chiqilib, uning asosida “Inson qadri uchun” gʻoyasi qaror topgan”, — deya taʼkidladi adliya vaziri.

Shuningdek, Oʻzbekiston Respublikasi Konstitutsiyasi qabul qilinganligining 32-yilligi munosabati bilan adliya sohasida samarali mehnat qilib kelayotgan bir guruh xodimlar eʼtirof etildi. Ular adliya vaziri buyrugʻi bilan taʼsis etilgan “Adliya aʼlochisi” koʻkrak nishoni hamda Faxriy yorliqlar bilan taqdirlandi.