Adliya vaziri o'rinbosari Xudoyor Meliyev Qashqadaryo viloyatida amalga oshirilayotgan xizmat safari davomida Kasbi tumani “Qamashi” mahallasidagi yoshlar bilan uchrashdi. Ularning ishga joylashish, ijtimoiy himoya, mehnat munosabatlari va mulkiy huquqlarga oid ko'plab murojaatlari mas'ullar bilan birgalikda ko'rib chiqildi.

Kasbi tumanida 300 dan ortiq ish o'rinlarini yaratgan "Sultan tex group" MChJ  f aoliyati bilan tanishilib, ishlab chiqarish va mahsulotlarni eksport qilishda yuzaga kelayotgan muammo va takliflari yuzasidan huquqiy tushuntirishlar berildi.

O'zbekiston Respublikasi Prezidentining "Ma‘muriy islohotlar doirasida adliya organlari va muassasalarining mas‘uliyatini yanada oshirish hamda ixcham boshqaruv tizimini shakllantirish to‘g‘risida"gi Farmonida belgilangan vazifalar ijrosi Kasbi tumani misolida tahlil qilinib, mas'ullarga kerakli ko'rsatma va tavsiyalar berildi.

Kasbi tumani adliya bo'limi, davlat xizmatlari markazi, FHDY bo'limi hamda davlat arxivi tomonidan aholi va tadbirkorlik subyektlariga ko'rsatilayotgan xizmatlar sifati va samaradorligi o'rganilib, xodimlarning ish faoliyatidagi muammo va takliflari muhokama qilindi.