Uchrashuvda Shvetsiya Qirolligining Favqulodda va Muxtor elchisi Tomas Danestad ham ishtirok etdi.

Tadbir davomida adliya vaziri A. Toshqulov mehmonlarga vazirlikning asosiy vazifalari to‘g‘risida gapirib berdi. Jumladan, vazirlik qonun ijodkorligi sohasida yagona davlat siyosatini olib borishi, fuqarolarning qonuniy manfaatlarini himoya qilishi, davlat organlari va tashkilotlarining yuridik xizmatlari faoliyatini muvofiqlashtirishi, advokatura va aholiga yuridik xizmat ko‘rsatishni ta’minlashi va boshqalarni aytib o‘tildi.

Oʻz oʻrnida janob Anders Xoll Oʻzbekiston Respublikasi Adliya vazirligi tomonidan huquq sohasida erishilgan yutuqlarni yuqori baholab, Shvetsiya Qirolligi Adliya vazirligi to‘g‘risida qisqacha ma’lumot berdi. Shuningdek, A.Xoll Shvetsiya Qirolligi Oʻzbekiston Respublikasi bilan adliya va huquq, xavfsizlik va migratsiya masalalarida hamkorlik qilishdan manfaatdorligi bildirdi.

Shu o‘rinda adliya vaziri A. Toshqulov ikki davlat vazirliklari o‘rtasida anglashuv memorandumni imzolashni hamda O‘zbekiston va Shvetsiya o‘rtasida o‘zaro huquqiy yordam ko‘rsatish to‘g‘risida ikki tomonlama shartnoma loyihasini ishlab chiqish imkoniyatini ko‘rib chiqishni taklif qildi.

Uchrashuv yakunida mehmonlar uchun vazirlik binosida kichik ekskursiya tashkil qilindi hamda vazirlik faoliyati bilan to‘g‘ridan-to‘g‘ri tanishtirildi.

Uchrashuv doʻstona va konstruktiv ruhda oʻtdi.