Delegatsiya aʼzolari bilan vazir Ibrohim Abdurahmonov hamda vazirlik masʼullari uchrashdilar.

Uchrashuv davomida I. Abdurahmonov yurtimizda oliy va professional taʼlim, ilm-fan va innovatsiyalar sohasida amalga oshirilayotgan islohotlar haqida soʻz yuritdi. Respublikamizda mazkur sohalarning rivojlanishi uchun huquqiy baza yaratilgani, Oʻzbekiston-2030» strategiyasida inson kapitalini rivojlantirishga alohida urgʻu berilganini qayd etdi.

Karen Bredli Toshkentdagi Vestminster universiteti faoliyatiga ijobiy baho berib, xorijiy oliy taʼlim muassasalari tajribasini respublikamizning davlat oliygohlariga joriy etish masalasi boʻyicha oʻz fikrlari bilan oʻrtoqlashdi.

Shuningdek, tomonlar ekologiya muammolarini, xususan, iqlim oʻzgarishi davrida qishloq xoʻjaligi ekinlarini yetishtirish, tabiiy resurslardan oqilona foydalanish, yashil maydonlarni kengaytirish masalasini muhokama qildilar.