Harbiy xizmatchilar va ularning oila aʼzolari ishtirokida sayyor qabullar boʻlib oʻtdi
2024-09-19 12:00:00 / Yangiliklar
Unda qoʻshilma komandiri, hududiy harbiy prokuratura, mahalliy hokimliklarning mutasaddi vakillari ishtirok etdi.
Dastavval harbiy qismlar madaniyat markazlarida harbiy xizmatchilar va ularning oila aʼzolari bilan umumiy yigʻilish boʻlib oʻtdi. Unda harbiy qismda intizom holati va oiladagi munosabatlar boʻyicha videorolik va suhbatlar o‘tkazildi. Yigʻilishda soʻzga chiqqanlar mamlakatimizda, xususan, Mudofaa vazirligi tizimida amalga oshirilayotgan islohotlar haqida batafsil maʼlumot berildi.
Kunning ikkinchi qismida esa qoʻshilma komandiri, harbiy prokuratura, davlat va jamoat tashkilot vakilari ishtirokida sayyor qabullari amalga oshirilib, boʻsh ish oʻrinlari yarmarkalari tashkil etildi.
Sayyor qabullarda bank sohasi, uy-joy masalasi, bandlikni taʼminlash, maktab va maktabgacha taʼlimi hamda boshqa yoʻnalishlar boʻyicha jami 40 ga yaqin murojaat kelib tushib, barchasi ijobiy yechimini topdi. Vaqt talab etiladigani murojaatlar esa nazoratga olindi.
Respublikamiz boʻylab oʻtkazilayotgan bu kabi sayyor qabullar harbiy xizmatchilar va ularning oila aʼzolarini qiynab kelayotgan muammolarni ijobiy yechimini topishida muhim omil boʻlib xizmat qilmoqda.