Qarshidagi “Vatanparvarlar” bogʻida harbiy-vatanparvarlik festivali bo‘lib o‘tdi
2024-09-16 10:00:00 / Yangiliklar
Harbiy okrugga biriktirilgan maktablar oʻquvchilari, yoshlar, keng jamoatchilik vakillari hamda shahar ahli jam boʻlgan maskanda harbiy psixologlar jamoasi tomonidan shaxsning psixologik xususiyatlari va ularni diognostika qilishga qaratilgan trening mashgʻulotlari oʻtkazilib, metodik natijalariga koʻra psixokonsultatsiya berildi.
Tashrif buyurganlar, ayniqsa, harbiy qurol-aslahalar namoyishi jarayonlarini katta qiziqish bilan kuzatib, koʻplab maʼlumotlarga ega boʻldilar.
Okrug koʻchma madaniyat markazi koʻmagida yaratilgan konsert maydoni ham tomoshabinlar bilan gavjum. Harbiy orkestr jamoasi tomonidan ijro etilayotgan jonli ijrodagi kuylar, viloyatning taniqli sanʼatkorlari tomonidan Vatanni, tinchlikni tarannum etuvchi qoʻshiqlar barchaga bayramona shukuh ulashgani shubhasiz.
Janubi-g‘arbiy maxsus harbiy okrug matbuot xizmati