Respublika ishchi guruhi, Toshkent viloyati  Qurilish va uy-joy kommunal xo'jaligi sohasida hududiy nazorat qilish inspeksiyasi va viloyat "Suv taʼminoti" AJ  xodimlarida tomonidan hududlar bo'ylab iste‘molchilarning ichimlik suvidan foydalanishini monitoring qilish hamda suv tarmoqlariga noqonuniy ulanishini oldini olish  maqsadida targ'ibot tadbirlari oʻtkazilmoqda. 

Shuningdek, Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi  hamda "Suv ta’minoti" AJ xodimlari tomonidan ham bu kabi nazorat tadbirlari olib borilmoqda.

Jumladan, joriy yilning may oyi davomida Toshkent shahrida o'tkazilgan  nazorat tadbirlari davomida jami 27 ta qonun buzilish holatlari aniqlandi, shundan 18 tasi ichimlik suv tarmog`iga noqonuniy ulangani, 9 ta holatda esa  ichimlik suvi ta'minoti va oqova suvlarni chiqarib yuborish xizmatlaridan foydalanish qoidalarini buzgani ma'lum bo'ldi.

Ushbu aniqlangan holatlar yuzasidan huquqbuzarlarga nisbatan jami 93,5 million so'mlik ma'muriy jarimalar rasmiylashtirildi hamda kamchiliklar mas'ullar boshchiligida joyida bartaraf etildi.