Samarqand arxeologiya instituti yana bir xalqaro konferensiyaga mezbonlik qiladi
2024-09-17 10:10:00 / Yangiliklar
Madaniy meros agentligi Samarqand arxeologiya institutida 2024-yil 27-noyabr kuni Samarqand shahrida “Arxeologiyada fanlararo tadqiqot” mavzusida xalqaro ilmiy-amaliy konferensiya bo‘lib o‘tadi.
Konferensiyada quyidagi masalalar muhokama qilinadi:
- arxeologik qazishmalarda joriy qilinayotgan eng so‘ngi qazish usullari;
- arxeologiyada 3D modellashtirish va tadqiqot usullari;
- zamonaviy GAT texnologiyalarining arxeologiyada qo‘llanilishi;
- bioarxeologik tadqiqotlar (jismoniy antropologiya, zooarxeologiya, paleobotanika, barqaror izotop tahlillari, paleogenetika, lipid tahlillari);
- topilmalarni konservatsiya va restavratsiya qilish.
Ma’lumot uchun, konferensiyaga qabul qilinib tahrirdan o‘tgan tezislar va ilmiy materiallar elektron shaklda va to‘plam shaklda chop etiladi. Muallif uchun anjuman tezislar to‘plami va sertifikat elektron (*.pdf) shaklda taqdim etiladi.
Murojaat uchun: +99893-416-41-49 (Hoshimov H.), +998-93-336-38-40 (Rashidov N.).