Buxoro viloyati IIB boshligʻi Gʻijduvon tumanining “Koʻlijabbor” mahallasida oʻrganishlar olib bordi
2024-09-19 12:05:00 / Yangiliklar
Buxoro viloyati Ichki ishlar boshqarmasi boshligʻi podpolkovnik Ikromjon Tursunov “Koʻlijabbor” mahallasida boʻlib, tuman sektor rahbarlari, taalluqli masʼullar hamda mahalla yettiligi hamrohligida hududda amalga oshirilayotgan keng koʻlamli qurilish, taʼmirlash, obodonlashtirish va bunyodkorlik ishlarining borishi, mavjud muammolar va ularning yechimi yuzasidan oʻrganishlar olib bordi.
Jarayonda kommunikatsiya tarmoqlari, infratuzilma holatini yaxshilash, elektr taʼminoti, ichimlik suvi bilan taʼminlash darajasini yaxshilash, aholi xonadonlari va ijtimoiy obyektlarda kuz qish mavsumiga tayyorgarlik koʻrish borasidagi ishlar ham koʻzdan kechirilib, galdagi vazifalar borasida masʼullarga aniq va manzilli topshiriqlar berdi.
Buxoro viloyati Ichki ishlar boshqarmasi boshligʻi davlatimiz rahbari tomonidan berilgan topshiriqlar ijrosini taʼminlash maqsadida Gʻijduvon tumani “Koʻlijabbor” mahallasida istiqomat qiluvchi oʻziga biriktirilgan kam taʼminlangan oilalar muammolarini oʻrganib, masʼullarga tegishli topshiriqlar bergan edi.
Bugungi oʻrganishlar davomida viloyat 3-sektor rahbari ushbu fuqarolar bilan yana bir bor uchrashib, ularni kambagʻallikdan chiqarish boʻyicha ishlab chiqilgan yoʻl xaritalari ijrosi yuzasidan amalga oshirilayotgan ishlar va ularning dastlabki natijalari bilan ham yaqindan tanishdi.
Buxoro viloyati IIB Axborot xizmati