Andijonda “Barqaror turmush oyligi” doirasida xotin-qizlarning huquqlarini himoya qilish hamda zoʻravonlik holatlarini oldini olish maqsadida profilaktik tadbirlari davom etmoqda
2024-09-15 10:00:00 / Yangiliklar
Andijon viloyati hududida ayollar oʻrtasida jinoyatchilikning barvaqt oldini olish, sharʼiy nikoh asosida yashayotgan oilalar, farzandini yolgʻiz tarbiyalayotgan shaxslar, chet davlatlarga uzoq muddatga chiqib ketgan shaxslar, zoʻravonlikdan jabrlangan xotin-qizlarning huquqlarini himoya qilish hamda zoʻravonlik holatlarini oldini olish maqsadida joriy yilning 5-sentyabr kunidan 5-oktyabr kuniga qadar keng qamrovli “Barqaror turmush” profilaktik tadbiri oʻtkazilishi belgilangan.
Shu maqsadda Shahrixon tumanidagi profilaktika inspektorlari tomonidan tazyiq va zoʻravonlikdan jabrlangan 347 ta himoya orderlari rasmiylashtirib, fuqarolik ishlari boʻyicha sudlarda nizolashayotgan fuqarolarning roʻyxatlari asosida mahalla yettiligi bilan hamkorlikda 367 ga yaqin nizolashayotgan oilalarning yashash xonadonlariga kirilib, nizolarning kelib chiqish sabablari oʻrganilmoqda.
Shuningdek, ajrim yoqasida turgan, jumladan FHDYOga nikohdan ajratish boʻyicha ariza bergan va FIB sudlariga “Nikohdan ajratish” boʻyicha daʼvo arizasi bilan murojaat qilgan oilalar bilan ham yakka tartibda profilaktik suhbatlar olib borilib, yarashtirish choralari koʻrilmoqda.
Andijon viloyati IIB Axborot xizmati