Xizmat safari bilan Qashqadaryo viloyatida boʻlib turgan Vazir oʻrinbosari general-mayor Bekmurod Abdullayev boshchiligidagi ishchi guruh Qashqadaryo viloyatida oʻrganishlar olib bormoqda
2024-09-13 11:10:00 / Yangiliklar
Ishchi guruh aʼzolari bu gal IIB JXX JTSB PPX batalyonida boʻlishdi.
Batalyonda boʻlgan masʼullar xodimlarning maʼnaviy-maʼrifiy yoʻnalishda amalga oshirgan ishlari va sport sohasida yaratilgan shart-sharoitlarni yaqindan oʻrgandi.
Oʻrganishlar davomida soha xodimlarining ish unumdorligini oshirish, qoʻshimcha shart-sharoitlarni yaratish maqsadida masʼullarga tegishli topshiriq va tavsiyalar berildi.
Oʻrganishlar davomida Qashqadaryo viloyati ichki ishlar organlarida xizmat qilayotgan xodimlarning xonadoniga tashrif buyurilib,oila aʼzolari bilan suhbatlar oʻtkazildi.
Soʻngra, tungi xizmatga chiqayotgan batalyon xodimlariga huquqbuzarliklar va jinoyatlarni oldini olish, fuqarolar bilan xushmuomala boʻlish, qonunchilik va xizmat intizomiga rioya etish boʻyicha yoʻriqnoma berildi.
Ishchi guruhning oʻrganishlari davom etmoqda.
Qashqadaryo viloyati IIB Axborot xizmati