IIV Malaka oshirish institutida bitiruv marosimi boʻlib oʻtdi
2024-09-01 11:30:00 / Yangiliklar
Oʻzbekiston Respublikasi Prezidentining “Ichki ishlar organlarini xalqchil professional tuzilmaga aylantirish va aholi bilan yanada yaqin hamkorlikda ishlashga yoʻnaltirish boʻyicha qoʻshimcha chora-tadbirlar toʻgʻrisida”gi qaroriga muvofiq Ichki ishlar vazirligi Malaka oshirish institutida huquqbuzarliklar profilaktikasi, yoʻl-patrul va patrul-post xizmati boʻlinmalari xodimlarini “Fuqarolar bilan ishlash moduli” boʻyicha malaka oshirish oʻquv kursi “Mayor” maxsus unvon olish uchun maxsus malaka oshirish oʻquv kursi tinglovchilarining bitiruv marosimi boʻlib oʻtdi.
Tadbirda institut professor-oʻqituvchilari, xodimlari va tinglovchilar ishtirok etdilar.
Institut boshligʻi, t.f.n., dotsent polkovnik Olimjon Axmedov Mustaqilligimizning 33 yilligi munosabati bilan Ichki ishlar vazirining bayram tabrigini oʻqib eshittirdi. Bayram arafasini oʻquv kursini yakunlayotgan tinglovchilarning kelajakdagi faoliyatiga muvaffaqiyatlar tiladi.
Shundan soʻng ushbu oʻquv kurslarining yakuniga koʻra imtihon va sinovlarni muvaffaqiyatli topshirgan xodimlarga sertifikatlar topshirildi.
Ichki ishlar vazirligi Malaka oshirish instituti Matbuot xizmati