Qashqadaryoda yong‘in o‘chirish amaliy sporti bo'yicha viloyat birinchiligi bo'lib o'tdi
2025-03-12 17:25:00 / Yangiliklar
Joriy yilning 11-12-mart kunlari Qashqadaryo viloyati FVB harbiy xizmatchi va xizmatchilari o‘rtasida "Yong‘in o‘chirish amaliy sporti" bo‘yicha viloyat birinchiligi o‘tkazildi.
Musobaqada, viloyat bo'yicha jami 40 ta yong‘in-qutqaruv qismlari ishtirok etdi. O‘tkazilgan musobaqaning harbiy xizmatchilar o‘rtasida bo‘lib o‘tgan bellashuvda umumjamoa hisobida 3-o‘rin 35-YoQQ jamoasiga, 2-o‘rin esa 39-YoQQ jamoasiga nasib etgan bo‘lsa, mutloq 1-o‘ringa 36-YoQQ jamoasi ega chiqdi.
Shuningdek, 2-kungi xizmatchilar o‘rtasidagi bahslarda o‘zining tezkorligi bilan boshqa jamoalarga o‘rnak bo‘la olgan boshqarma MVBMQ otryadi qutqaruvchilari mutlaq g‘olib deb topilib, 1-o‘rinni qo‘lga kiritdi. Faxrli 2-o‘ringa Mirishkor tuman jamoasi ega chiqqan bo‘lsa, 3-o‘rin Yakkabog' tuman jamoasiga nasib etdi.
Yakunda g‘olib jamoalar diplom, medal va esdalik sovg‘alari bilan taqdirlandi.