Xabar berganimizdek, 18-19 dekabr kunlari "Qamchiq" dovonida 40 dan ortiq korxona hamda tashkilotlar kuch va vositalari jalb etilgan xolda qoʻmondonlik-shtab oʻquv mashqlari oʻtkazildi. O‘quv mashqi g‘oyasiga ko‘ra, 15 ta o‘quv nuqtasida turli xil shartli favqulodda vaziyatlarni bartaraf etish borasida har bir ixtisoslashtirilgan xizmatlar yo‘nalish bo‘yicha aniq vazifalarni bajarib, mashqning barcha maqsadlariga erishildi. Jarayonni voqea joyida Favqulodda vaziyatlar vaziri general-mayor A.X.Qo‘ldoshev boshqarib bordi.