Urgut tumani Yangihayot mahallasida voyaga yetmagan qizini turmushga bermoqchi bo‘lgan fuqaro xonadonida profilaktik suhbat tashkil etildi.

Mazkur masala Oila va xotin-qizlar bo‘limi boshlig‘i, mahalla yettiligi a’zolari, nuroniylar hamda jamoatchilik vakillari ishtirokida o‘rganilib, holat yuzasidan tegishli tushuntirish ishlari olib borildi. Suhbat davomida fuqaroga voyaga yetmagan shaxsni turmushga uzatish amaldagi qonunchilikka zid ekani, bu esa javobgarlikka sabab bo‘lishi mumkinligi to‘g‘risida atroflicha tushuntirish berildi.

Shuningdek, erta nikohning salomatlik, ta’lim va ruhiy rivojlanishga salbiy ta’siri, yoshlar hayotiga bo‘lgan xavflari haqida ham batafsil ma’lumot yetkazildi. Fuqaro o‘z harakatining noto‘g‘riligini tushunib, farzandining voyaga yetgunicha turmushga bermasligini, qonuniy talab va tartiblarga rioya qilishini bildirgan. Natijada fuqaroning rejalashtirgan nikoh marosimi to‘xtatildi, holat bo‘yicha tegishli hujjatlar rasmiylashtirildi va oilaga huquqiy ogohlantirish berildi. Bu orqali yana bir erta turmushning oldi olindi.

Oila va xotin-qizlar bo‘limi tomonidan bu kabi profilaktik ishlar boshqa mahallalarda ham davom ettirilmoqda. Voyaga yetmaganlarni huquqiy himoya qilish, sog‘lom oila tamoyillarini qaror toptirish va yoshlarning baxtli kelajagini ta’minlashdir.