Joriy yilning 30-aprel kuni Belarus Respublikasining Minsk shahrida Birinchi O‘zbekiston-Belarus professional taʼlim forumining ochilish marosimida oliy ta’lim, fan va innovatsiyalar vaziri Qo‘ng‘irotboy Sharipov ikki mamlakat o‘rtasidagi ko‘p qirrali alo
2024-04-30 16:35:00 / Vazirlik yangiliklari
– Biz bugun Minsk shahrida mamlakatlarimiz o‘rtasida kasb-hunar ta’limi sohasidagi hamkorlik va uni yanada mustahkamlash masalalarini muhokama qilish uchun yig‘ildik, bu esa inson kapitalini rivojlantirishga bo‘lgan umumiy intilishlarimizni namoyon etadi. Forum Belarus Respublikasi Prezidenti Aleksandr Lukashenkoning O‘zbekiston Respublikasiga tashrifi chog‘ida erishilgan kelishuvlarning bevosita natijasi bo‘lib, ta’lim sohasidagi hamkorlikni mustahkamlash borasidagi doimiy muloqotimizning bir qismidir. O‘zbekiston Respublikasi Prezidenti Shavkat Mirziyoyev ana shunday muhim xalqaro hamkorlik sharoitida ta’lim sifatini oshirish, yoshlarga zamonaviy kasb-hunarlarni o‘rgatish masalasiga alohida e’tibor qaratib, kasb-hunar ta’limini yangicha yondashuvlar asosida tashkil etish zarurligini ta’kidlamoqda. Bugungi uchrashuvimiz mamlakatlarimizning texnologik va ijtimoiy-iqtisodiy rivojlanishiga hissa qo‘shadigan malakali mutaxassislarni tayyorlash sohasida hamkorlikda ishlash muhimligini ko‘rsatadi.