Surxondaryoda Buxoro bug’usi bolaladi
2024-09-13 13:45:00 / Yangiliklar
Ekologiya, atrof-muhitni muhofaxa qilish va iqlim o’zgarishi vazirligi tasarrufidagi Termiz hayvonot bog’ida Buxoro bug’usi (xongul) bolaladi.
Hozirda yosh bug’uning ahvoli yaxshi, u veterinarlarning nazorati ostida.
Ma’lumot uchun, bugungi kunda hayvonot bog’ida jami 4 bosh (2 bosh erkak va 2 bosh urg’ochi) xongul parvarish qilinmoqda. Xongul yo’qolib borayotgan tur sifatida O’zbekiston Qizil kitobiga kiritilgan. Amudaryo vodiysining yuqori (Surxondaryo viloyati) va o‘rta (Buxoro viloyati Qizilqum qo‘riqxonasi) oqimida yashaydi.
Shuningdek, Zarafshon milliy tabiat bog‘i va Quyi Amudaryo biosfera rezervati, Zarafshon daryosi yuqorisida – O‘zbekiston va Tojikiston chegarasida aborigen populyatsiyalari, introduksiya va reintroduksiya yo‘li bilan yuzaga kelgan sun’iy guruhlari mavjud.