Jamiyatning madaniyat darajasi, maʼnaviy barkamolligi ayollarga boʻlgan munosabat bilan belgilanadi. Eng goʻzal oyning eng nafis bayrami - xotin-qizlarga ehtirom koʻrsatish anʼanasi yil sayin umumdavlat ahamiyatiga ega boʻlib, yuqori maqom darajasiga koʻtarilmoqda.

Oʻz oʻrnida, Davlat aktivlarini boshqarish agentligida ham 8-mart – Xalqaro xotin-qizlar kuniga bagʻishlangan bayram tadbiri tashkil qilindi.

Bugungi kunda Davaktiv tizimida oʻnlab opa-singillarimiz mehnat qilib kelishmoqda. Ularning samarali faoliyat yuritishlari, muttasil oʻz ustida ishlab, malaka oshirishlari va ilgʻor xorij tajribalarini oʻzlashtirishlari uchun barcha sharoitlar yaratilgan.

Xalqimizning buyuk tarixida oʻzining jasorat va matonati, aql-zakovati, nafosat va nazokati bilan oʻchmas nom qoldirgan Toʻmaris, Bibixonim, Gulbadanbegim, Zebuniso, Nodira, Uvaysiy, Anbar Otin va boshqa yuzlab ayollarimizni hamisha ehtirom bilan tilga olamiz. Ayollarga boʻlgan cheksiz hurmat-ehtiromimizning yana bir sababi shundaki, ayol avvalo har bir insonning beshigini tebratadigan, uning yuragiga odamiylik fazilatlarini singdiradigan, uni hayot boʻronlaridan asrab-avaylaydigan fidoiy insondir.

Tadbirda soʻzga chiqqanlar Davaktiv agentligi tizimi ayollarini mazkur goʻzal ayyom bilan tabriklab, ularga sihat-salomatlik, oilaviy baxt-saodat, bahoriy kayfiyat hamroh boʻlishini tilab qoldilar hamda esdalik sovgʻalarini topshirdilar.