Buxoro shahri: Zarafshonda Nigina Sharipova singari tashabbuskorlar bor
2025-03-10 20:10:00 / Yangiliklar
Uyma-uy yurib oʻrganishlarda mazkur toifadagi oilalarning ishsiz va yordamga muxtoj aʼzolari bilan suhbatlar oʻtkazib, ularni layoqatiga qarab daromadli qilish, ijtimoiy-iqtisodiy yordamlar koʻrsatish boʻyicha har bir oila miqyosida yakka tartibda, individual reja tuzib, zarur choralar koʻrilayotgani maqsadga muvofiqdir. Buni birgina "Zarafshon" mahalla fuqarolar yigʻini misolida koʻrishimiz mumkin.
Yaratib berilayotgan shart-sharoitlardan unumli foydangan holda oʻz faoliyatini yoʻlga qoʻygan Nargiza Sharipova shu mahallaning Qayum Murtazoyev koʻchasida istiqomat qiladi. Oʻtgan yillarda ijtimoiy muhofazaga olingan ayol tashabbus koʻrsatib, mahalladagi hokim yordamchisi tavsiyanomasi asosida 17 million soʻm imtiyozli kredit mablagʻi va biznes faoliyati uchun joyiga ega boʻlganidan soʻng ishlari yurishib ketdi. Bank sarmoyasi aholiga xizmat koʻrsatish yoʻnalishidagi biznes loyihaga safarbar etilgani samarasini berdi.
Kichik sexida turli xaridorgir pishiriqlar, shirinlik va salatlar tayyorlashni yoʻlga qoʻygan tadbirkor ayol bugunga kelib oʻzi singari ishsiz xotin-qizlardan 4 nafarining bandligini taʼminlashga hissa qoʻshmoqda. Nigina Sharipova boshchiligidagi jamoa mehnatsevarligi tufayli bir oyda oʻrtacha 20 million soʻmdan ziyod sof foydaga erishib, moddiy manfaat topmoqda. Endilikda sex faoliyatini kengaytirish, ishchilar soni va mahsuldorlikni koʻpaytirish choralari koʻrilmoqda.
Viloyat hokimligi matbuot xizmati