Qo‘ziqorinlarni muvaffaqiyatli va sifatli o‘stirish mavzusidagi xalqaro seminar o‘tkazildi
2024-09-17 16:00:00 / Yangiliklar
Seminarda Qishloq xo‘jaligi vazirligi, Toshkent viloyati hokimligi, Fermer, dehqon xo‘jaliklari va tomorqa yer egalari kengashi, bir qator tadbirkorlar, mahalliy hamda xorijiy kompaniyalar vakillari ishtirok etdi.
Tadbirda so‘zga chiqqanlar, ushbu xalqaro seminarda xorijiy tajriba asosida qo‘ziqorin yetishtirish texnologiyasini o‘rganish borasida qo‘ziqorinchilik sohasida yurtimizda faoliyat olib borayotgan tadbirkor va fermerlarimizning yanada yangi yutuqlarga erishishlarida xalqaro tajriba almashish muhim omil hisoblanishi haqida ta’kidlab o‘tdi.
Binobarin, qadim zamonlardan buyon odamlar ovqatlanish hamda kasalliklarni davolash maqsadida qo‘ziqorindan foydalanib kelishgani, dunyoda qo‘ziqorinlarning 100 mingdan ortiq turi mavjud bo‘lsa, O‘zbekistonda 100 dan ortiq turi o‘sishi va shundan 25 turigina iste’molga yaroqli, ya’ni zaharsiz hisoblanishi haqida ma’lumot berildi.
Tadbirda dunyoda 70 dan ortiq davlatlarda qo‘ziqorin yetishtirish va iste’mol qilish madaniyati ancha rivojlanib borayotgani, bunda Xitoy, Rossiya, Norvegiya, AQSh, Kanada va Avstraliya kabi davlatlarning qo‘ziqorin yetishtirishdagi tajribalarini o‘rganish uchun muhim hisoblanishi qayd etildi.
Maqsad ham bitta, bu ham bo‘lsa aholi bandligini ta’minlashdir. Ta’kidlash joizki, respublikamizda jamoa xo‘jaliklari, shirkatlar, maxsus issiqxona, omborlar va yerto‘lalarda qo‘ziqorinning “Veshenka” va “Shampinon” kabi iste’mol qilish mumkin bo‘lgan turlarini yetishtirish.
Seminarda 100 metr kvadrat maydonga 4 tonna substratni osma usulda yetishtirishni yo‘lga qo‘ygan holda 2,5 tonna qo‘ziqorin hosilini olish imkoniyati mavjudligi haqida aytib o‘tildi.
Aytish kerak, qo‘ziqorin serdaromad ekin bo‘lishi bilan bir qatorda, uning iste’moli inson salomatligi uchun zarur hisoblanadi.