O‘rmon fondining foydalanilmayotgan yer uchastkalarini onlayn-auksion savdolariga chiqarish yo‘lga qo‘yildi
2024-09-09 13:10:00 / Rahbariyatning bayonotlari va nutqlari
Belgilangan tartibga muvofiq, O‘rmon xo‘jaligi agentligi, "Yashil loyiha" loyihalash instituti, Kadastr agentligi va boshqa vazirlik va idoralarning ishtirokida loyihalarni Qishloq xo‘jaligi vazirligining "E-ijara" axborot tizimi yordamida ishlab chiqish va kelishish, “E-auksion” elektron savdo platformasi savdolarga chiqarish jarayonlari raqamlashtirildi.
Yer uchastkasining 0.01 gektardan 10 gektargacha o‘lchamlarda va 12 ta yo‘nalishda loyihalarni ishlab chiqishning dasturiy imkoniyatlari “Agrosanoatni raqamlashtirish markazi” MChJ tomonidan joriy etilgan "E-ijara" axborot tizimida yaratilgan bo‘lib, tegishli vazirlik va idoralar bilan integratsiya jarayonlari yo‘lga qo‘yildi.
Foydalanuvchilarni texnik jihatdan qo‘llab-quvvatlash “Agrosanoatni raqamlashtirish markazi” MChJning Call-markazi 71 206-70-07 telefon raqamlari va ijtimoiy tarmoqdagi https://t.me/Foresteijaraidoralar guruhi orqali tashkil etilgan.
Savdoga chiqarilgan o‘rmon fondining foydalanilmayotgan yer uchastkalarini “Elektron onlayn-auksionlarni tashkil etish markazi” MChJning “E-auksion” elektron savdo platformasi https://e-auksion.uz manzili bo‘yicha “Yer uchastkalari” – “O‘rmon fondi yer uchastkalari” bo‘limida joylashtirilmoqda.