Chorvachilikni rivojlantirishda gender tenglikning muhim jihatlari
2024-08-14 12:00:00 / Yangiliklar
Vazirlik va uning tizim tashkilotlari vakillari, ilmiy-tadqiqot institutining ilmiy jamoasi ishtirok etgan tadbirda Qishloq xo‘jaligi vazirligi Maslahat kengashi raisi Dildora Imomova tomonidan O‘zbekiston Respublikasi Oliy Majlisi Senati Kengashining "2030-yilga qadar O‘zbekiston Respublikasi gender tenglikka erishish strategiyasini joriy yilda amalga oshirish bo‘yicha kompleks chora-tadbirlar dasturi" doirasida gender tenglikni ta’minlash bo‘yicha olib borilayotgan ishlar to‘g‘risida ma’lumot berildi.
Tadbir davomida qishloq xo‘jaligi sohasida faoliyat yurituvchilarning ijtimoiy-iqtisodiy muhofazasi, mehnat va ijro intizomi hamda odob-axloq masalalari yuzasidan so‘z yuritildi.
Binobarin, xodimlarning ijtimoiy manfaatlarini himoya qilishda jamoa shartnomasining roli va gender tenglikning muhim jihatlari, shuningdek, xodimlarning ijtimoiy himoyasi masalalari haqida to‘xtalib o‘tildi.
O‘z navbatida, davra suhbati ishtirokchilariga chorvachilikni rivojlantirish tizimida faoliyat yurituvchilarning huquqiy himoyasiga oid qonunchilikdagi o‘zgartirish va yangiliklar haqida tushunchalar berildi.