Adliya vaziri oʻrinbosari X.Meliyev Qoraqalpogʻistonga amalga oshirgan xizmat safari davomida Beruniy va Ellikqalʼa tumanlari hamda Nukus shaharida aholi va tadbirkorlar bilan muloqotlar oʻtkazdi hamda adliya boʻlimlari faoliyati bilan tanishdi.
2024-09-13 17:00:00 / Vazirlik yangiliklari
Jumladan, Beruniy tumanida tashkil qilingan “Ekobozor” investitsiya loyihasi bilan tanishdi.
Ellikqalʼa tumanida huquqni muhofaza qiluvchi oʻrganlari bilan birgalikda “Boʻston” mahallasida istiqomat qiluvchi aholisi uchun sayyor qabul oʻtkazildi.
Qabul davomida aholini qiynab kelayotgan uy-joy, kadastr hujjatlarini rasmiylashtirish, aliment, ijtimoiy himoya va boshqa masalalar yuzasidan fuqarolarning murojaatlari tinglanib, 6 nafar fuqaroning murojaati joyida ijobiy hal qilindi, 11 nafar fuqaroga huquqiy tushuntirishlar berildi va 7 nafar fuqaroning murojaatlari qoʻshimcha oʻrganish uchun nazoratga olindi.
Xizmat safari davomida vazir oʻrinbosari Ellikqalʼa tumani va Nukus shahar adliya boʻlimlarining yangi binosi qurilish jarayoni bilan tanishib, binoda elektron xizmatlardan mustaqil foydalanish hududi, bolalar oʻyin maydonchasi, mini-kutubxona, infokiosk va bepul Wi-Fi bilan taʼminlash yuzasidan koʻrsatmalar berdi.