O‘zbеkistоn Rеspublikаsi Yoshlar ishlari agentligi

“Yoshlar ovozi” Bo‘zatov fest tanlovini o‘tkazish to‘g‘risida

NIZOM

 

I. Umumiy qoidalar

1. “Yoshlar ovozi” tanlovi (keyingi oʻrinlarda tanlov deb ataladi) o‘tkazish tartibini belgilaydi. 2. Yoshlar ishlari agentligi, Madaniyat vazirligi, Qoraqalpogʻiston Respublikasi, viloyatlar va Toshkent shahar hokimliklari bilan hamkorlikda, “Yoshlar ovozi prodyuserlik markazi” MChJ ijrochiligida tashkil etiladi. 3.  O‘zbekiston Respublikasida istiqomat qilayotgan millati, dini, ijtimoiy kelib chiqishi va tilidan qat’iy nazar 10 yoshdan 30 yoshgacha bo‘lgan yoshlar tanlovda ishtirok etadi. 4. Tashkiliy qo‘mita tanlov Nizomiga o‘zgartirish va qo‘shimchalar kiritish vakolatiga ega.

II. Tanlovning maqsad va vazifalari

5. Tanlovning asosiy maqsad va vazifalari – yoshlarni milliy va umuminsoniy qadriyatlar, milliy gʻurur va iftixor, bagʻrikenglik, bunyodkorlik, mehr-oqibat gʻoyalari ruhida tarbiyalash, baxshichilik, anʼanaviy ijro, opera, estrada yoʻnalishlarida ijod qilayotgan yosh isteʼdodlarni kashf etish, ularni qoʻllab-quvvatlash, katta sahnalarda oʻz sanʼatini namoyish etishi uchun keng yoʻl ochib berishdan iborat. - ijrochilarining mahorati, isteʼdodi va qobiliyatini namoyon etish, ularning ijrochilik koʻnikmalarini yanada rivojlantirish; - yosh ijodkorlarni yuksak darajaga koʻtarish, milliy sanʼatimizni dunyo sahnalariga olib chiqish, havaskor va professional ijodkorlarni ragʻbatlantirish hamda ularning ijodini keng targʻib qilish.

III. Tanlovni tashkil etish va oʻtkazish tartibi

6. Tanlov quyidagi besh bosqichda oʻtkaziladi:

Tanlov uch yosh toifasida (10-15 yosh 2009–2014-yillar uchun, 16-22 yosh 2002–2008-yillar uchun, 23-30 yosh 1994–2001-yillar uchun) oʻtkaziladi.

Tanlov quyidagi toʻrt yoʻnalishda tashkil etiladi: - baxshichilik - anʼanaviy ijro (maqom, katta ashula) - opera - estrada.

Birinchi bosqich. Saralash bosqichi barcha mahallalarda tashkil etiladi (10-15

yosh, 16-22 yosh, 23-30 yosh toifalarida doimiy yoki vaqtinchalik yashash joyidan ro‘yxatdan o‘tgan yoshlar ishtirok etadi.)

Yoshlar yetakchisi tomonidan hujjatlar yo‘nalishlar kesimida saralanadi.

Ikkinchi bosqich. Sektor bosqichi saralash bosqichlaridan har bir yo‘nalish va yosh toifasidan oʻtgan yoshlar oʻrtasida tashkil etiladi.

Uchinchi bosqich. Sektor bosqichida g‘oliblikni qo‘lga kiritgan (har bir yo‘nalish va yosh toifasidan 1 nafardan) barcha tuman (shahar)larda o‘tkaziladi, g‘oliblar keyingi bosqichga yo‘llanmani qo‘lga kiritadi.

Toʻrtinchi bosqich. Hududiy bosqich tuman (shahar) bosqich gʻoliblari (har

bir yo‘nalish va yosh toifasidan 1 nafardan) o‘rtasida o‘tkaziladi.

- agar tanlovning qaysidir yo‘nalish va yosh toifasida 3 nafardan kam ishtirokchi qatnashsa, tanlovning respublika bosqichiga o‘tkazilmaydi. - yo‘nalishlar va yosh toifasida 1-o‘rin g‘olibi aniqlanmaganda 2-o‘rin va 3-o‘rin sovrindorlariga respublika bosqichida ishtirok etish huquqi berilmaydi.

Beshinchi bosqich. Respublika bosqichi Qoraqalpogʻiston Respublikasida oʻtkaziladi. Har bir yoʻnalish boʻyicha hududlardan yosh toifasidan (10-15 yosh, 16-22 yosh, 23-30 yosh) 1 nafardan hududiy bosqich gʻoliblari ishtirok etadi.

Respublika bosqichi ikki bosqichda tashkil etiladi: - final – Respublika bosqichiga kelgan barcha ishtirokchilar qatnashadi. Ular ichidan hakamlar tomonidan yo‘nalishlar hamda yosh toifasidan 5 nafardan saralab olingan ishtirokchilar super finalda ishtirok etadi. - super final – 5 nafardan saralab olingan ishtirokchilar tomonidan qo‘shiq

ijro etiladi. (Hakamlar tomonidan qo‘shimcha vazifa yuklatilishi mumkin)

G‘oliblarning nomlari tantanali taqdirlash marosimida e’lon qilinadi.

Hakamlar hayʼati 3-5 kishidan iborat boʻlib, ularning tarkibiga madaniyat va sanʼat sohasining taniqli vakillari, yetakchi mutaxassislar kiradi. Ishtirokchilar Nizomda belgilangan shartlar asosida tanlovda ishtirok etadi.

IV. Tanlovni o‘tkazish shartlari

7. Tanlov ishtirokchisi ushbu Nizom talabiga koʻra qayd etilgan yoʻnalishlar  asosida oʻzi tanlagan janrda bitta asar ijro etadi. 8. Tanlov ishtirokchilari faqatgina bitta yoʻnalish boʻyicha ishtirok etish huquqiga ega. 9. Ishtirokchilarning tanlov davomidagi tegishli yoʻnalishlar boʻyicha ijro etish navbati tashkiliy qo‘mita tomonidan belgilanadi va ushbu tartib tanlov yakuniga qadar saqlab qolinadi. 10. Tanlovda qoʻshiqlar faqat jonli ijro etiladi. 11. Tanlovning yo‘nalishlari bo‘yicha ishtirokchilar uchun ijro vaqti quyidagicha belgilanadi: 1-toifa: 10-15 yosh uchun 5 daqiqagacha; 2-toifa: 16-22 yosh uchun 6 daqiqagacha; 3-toifa: 23-30 yosh uchun 10 daqiqagacha.

Нakamlar hay’ati a’zolari ishtirokchilar tomonidan ijro etilayotgan asarni muddatidan oldin to‘xtatish huquqiga ega.

Tanlovda ishtirok etish istagida bo‘lgan yoshlar doimiy yoki vaqtincha yashash manzili bo‘yicha ro‘yxatdan o‘tadi. Bitta mahalla nomidan qatnashgan ishtirokchi boshqa mahalla nomidan ushbu tanlovda ishtirok etishlari qat’iyan

ta’qiqlanadi.

Tanlovning quyi bosqich (mahalla, sektor, tuman (shahar) va hududiy bosqich)lari g‘oliblari respublika final bosqichida ishtirok etadi. 12. Tanlovning avval va keyin o‘tkaziladigan respublika bosqichida 1-o‘rinni qo‘lga kiritgan g‘oliblari tanlovning kelgusi mavsumida yoshi hamda yo‘nalishidan qat’iy nazar ishtirok etishi taqiqlanadi. 13. Barcha yo‘nalishlar bo‘yicha ishtirokchilarning ijodiy chiqishlari tomoshabinlar va tinglovchilar tomonidan kuzatilishiga ruxsat etiladi (hududiy hamda respublika bosqichi bundan mustasno). 14. Mazkur Nizom talablari Tanlov ishtirokchisi tomonidan buzilgan taqdirda ishtirokchi tanlovdan chetlatiladi.

V. Tashkiliy qoʻmitaning vazifalari

15. Tashkiliy qoʻmita Tanlov doirasida oʻtkaziladigan barcha konsertlar ssenariysi, dasturi tayyorlanishini taʼminlaydi va tasdiqlaydi. - tanlov gʻoliblarini taqdirlash marosimini tashkil etadi. - tanlov gʻoliblariga oʻz vakolatlari doirasida amaliy yordam koʻrsatish choralarini koʻradi.

VI. Tanlov ishtirokchilarini baholash va gʻoliblarini taqdirlash

16. Tanlov yoʻnalishlari boʻyicha 1-oʻrinni egallagan gʻoliblar tegishli Hakamlar hayʼati yigʻilishi bayoni asosida keyingi bosqichda ishtirok etish huquqini qoʻlga kiritadi. Yoʻnalishlar boʻyicha munosib nomzodlar topilmagan taqdirda, keyingi bosqichga nomzodlar tavsiya etilmaydi. 17. Agar eng yuqori ball olgan nomzodlar bir nafardan ortiq boʻlgan taqdirda, qo‘shimcha topshiriq beriladi va g‘olib aniqlanadi. - tanlovning yakuniy natijalari Hakamlar hayʼatining bayoni bilan rasmiylashtiriladi. - barcha bosqichlarda Hakamlar hay’ati qarori qat’iy boʻlib, oʻzgartirilmaydi,

e’tirozlar (appelyatsiya) qabul qilinmaydi va qayta koʻrib chiqilmaydi.

18. Tanlov gʻoliblari Hakamlar hayʼati tomonidan barcha bosqichlarda 10 ballik tizimda, quyidagi  mezonlar asosida aniqlanadi: - ijro mahorati va uslubi – (3,5 ballgacha); - ovoz imkoniyatlari – (3,5 ballgacha); - sahna madaniyati (artistizm) – (1,5 ballgacha); - sahna libosi (imidj) – (1,5 ballgacha). 19. Tanlovning har bir bosqichida yo‘nalishlar bo‘yicha eng yaxshi natijalarga erishgan ishtirokchilar mahalliy, hududiy hokimliklar, tashkilotchilar va homiylar tomonidan tayyorlangan sertifikat, diplom hamda esdalik sovg‘alar bilan rag‘batlantiriladi. 20. Taqdim etiladigan asarlar milliy anʼanalarimiz hamda umumbashariy qadriyatlarga zid boʻlmasligi lozim. 21. Hakamlar tomonidan berilgan ballar tanlov yakunida umumlashtiriladi.

Eng yuqori ball toʻplagan ishtirokchilarga barcha yoʻnalishlar boʻyicha 1-, 2- va

3-oʻrinlar  belgilanadi.

Gʻoliblarga: 1-oʻrin – 50 million soʻm (toʻrt yoʻnalishda, jami 12 ta); 2-oʻrin – 30 million soʻm (toʻrt yoʻnalishda, jami 12 ta); 3-oʻrin – 20 million soʻm (toʻrt yoʻnalishda, jami 12 ta); Respublika bosqichi ishtirokchilariga ragʻbatlantiruvchi mukofot – 10 million

soʻmdan beriladi (1-2-3-oʻrin sohiblari bundan mustasno).

Pul mukofotlaridan amaldagi qonunchilik me’yorlari asosida daromad solig‘i ushlab qolinadi.

VII. Yakuniy qoidalar

22. Tanlov davomida yuzaga kelgan muammolar tegishli tashkiliy qoʻmita tomonidan hal etiladi. - tanlovni o‘tkazish jarayonlari bo‘yicha kelib chiqadigan nizolar qonun hujjatlarida belgilangan tartibda hal etiladi. 23. Tanlovni o‘tkazish bilan bog‘liq sarf-xarajatlar quyidagi manbalar hisobidan moliyalashtiriladi: - Yoshlar ishlari agentligi mablag‘lari; - mas’ul ijrochilarning byudjet va byudjetdan tashqari mablag‘lari; - jismoniy va yuridik shaxslarning homiylik xayriyalari; - “Yoshlar jamg‘armasi” hisobidan (mahalla-sektor-tuman/shahar, hududiy) g‘oliblar esdalik sovg‘alari bilan rag‘batlantiriladi; - qonun hujjatlarida taqiqlanmagan boshqa manbalar.