Yoshlar ishlari agentligi binosida vazirlik, idora va tashkilotlardagi yoshlar bilan ishlash bo‘yicha mas’ul xodimlar ishtirokida uchrashuv tashkil etildi.

Uchrashuvda davlat organlari va tashkilotlarda yoshlarga oid davlat siyosati sohasida belgilangan vazifalarni amalga oshirish hamda maslahatchilar faoliyatini yanada rivojlantirishga qaratilgan taklif, muammo va tashabbusli loyihalar muhokama qilindi.

Shuningdek, “Ibrat farzandlari”, “Mutolaa”, “UzChess”, “Top100 Uni” va “Qizlar akademiyasi” kabi bir qator loyiha rahbarlari tomonidan ishtirokchilar uchun mazmunli hamda foydali taqdimotlar o‘tkazildi.