Jizzax viloyati Yangiobod tumani hokimligi

Respublikada qishloq xo‘jaligi, melioratsiya va yo‘l-qurilish texnikalaridan foydalanish sohasida davlat xizmatlarini ko‘rsatish tizimini takomillashtirish bo‘yicha Vazirlar Mahkamasining 2023 yil 29 apreldagi 170-sonli qarori qabul qilindi. Ushbu qaror bilan qishloq xo‘jaligi, melioratsiya va yo‘l-qurilish texnikalarini davlat ro‘yxatidan va qayta ro‘yxatdan o‘tkazish,  davlat raqami belgilari, texnik pasport va texnik guvohnoma berish, davlat xizmatlaridan foydalangan holda qishloq xo‘jaligi, melioratsiya va yo‘l-qurilish texnikalarini hisobdan chiqarish bo‘yicha tartib belgilandi. 

O‘zagroinspeksiyaning Yangiobod tuman bo‘limi tomonidan O‘zbekiston Respublikasi Vazirlar Mahkamasining 2023 yil 29 apreldagi 170-sonli qarori ijrosini ta’minlash maqsadida bir qancha ishlar amalga oshirilmoqda. Jumladan bo‘limning 2025 yil tasdiqlangan ish rejasiga asosan davlat xizmatlaridan foydalangan holda qishloq xo‘jaligi, melioratsiya va yo‘l-qurilish texnikalarini davlat ro‘yxatidan va qayta ro‘yxatdan o‘tkazilmoqda. Texnikalarga vaqtinchalik texnik pasport, texnik guvohnoma va davlat raqami belgilari berilmoqda. 

Bo‘lim tomonidan davlat xizmatlaridan foydalangan holda qishloq xo‘jaligi, melioratsiya va yo‘l-qurilish texnikalarini hisobdan chiqarmoqda. Olis hududlardagi texnikalarni joyiga borib texnik holatlari o‘rganilib texnik ko‘rikdan o‘tkazilmoqda. Joylarda aholiga texnikalarni o‘z vaqtida texnik ko‘rikdan o‘tkazish bo‘yicha tushintirish ishlari olib borilmoqda. 

Bundan tashqari tasdiqlangan ish rejaga asosan IIV YHXB ning Yangiobod tuman bo‘limi bilan hamkorlikda har haftaning payshanba kunlari qo‘shma reydlar tashkil qilinib nazorat tadbirlari o‘tkazilmoqda. Xususan joriy yilning mart oyida 2 marta qo‘shma reydlar o‘tkazilib, unda 5 ta qonunbuzilish holatlari aniqlandi. Aniqlangan qonunbuzilish holatlari bo‘yicha belgilangan tartibda ma’muriy bayonnomalar tuzildi. 

O‘tkazilgan reydlarda bugungi kunga qadar eski na’munadagi texnik pasportlar va haydovchilik guvoxnomalari borligi aniqlanmoqda. Eski na’munadagi texnik pasport va haydovchilik guvoxnomalari mavjud fuqarolarga O‘zbekiston Respublikasi Mjtk ning 112-139-moddalariga asosan jazoga tortilmoqda. Texnikalarning holatini nazorat qilish bo‘yicha o‘tkazilgan qo‘shma reydlar kelgusida yana o‘tkazilib nazorat tadbirlari davom ettiriladi.

Qishloq xo‘jaligi, melioratsiya va yo‘l-qurilish texnikalari 1 yilda 1 marta texnik ko‘rikdan o‘tkazish muddati etib belgilangan. Nazorat tadbirlari davomida belgilangan muddatda texnik ko‘rikdan o‘tkazmagan texnikalar aniqlanmoqda. Texnik ko‘rikdan o‘tkazmagan texnikalarni o‘tkazish bo‘yicha barcha choralar ko‘rilmoqda. 

Hurmatli fuqarolar! Mavjud qishloq xo‘jaligi, melioratsiya va yo‘l-qurilish texnikalarini o‘z vaqtida belgilangan muddatda texnik ko‘rikdan o‘tkazishingizni, yangi texnika sotib olganingizda O‘zagroinspeksiyaning Yangiobod tumani bo‘limidan ro‘yxatdan o‘tkazish bo‘yicha murojaat qilishingizni so‘raymiz. 

M.Murotqulov,
O‘zagroinspeksiyaning Yangiobod tumani bo‘limi

qishloq xo‘jaligi texnikalarini nazorat qilish

bo‘yicha bosh mutaxassisi