Siyosiy jarayonlarga befarq emasman!” shiori ostida targ‘ibot kampaniyasini tashkil etishga bag‘ishlangan tadbir bo‘lib o‘tdi.
2024-09-28 10:25:00 / Yangiliklar
Qo‘mita raisi tomonidan taʼkidlanganidek, O‘zbekistonda ayollar saylov jarayonlarining barcha bosqichlarida faol qatnashishi uchun erkaklar bilan teng sharoitlar yaratilganini hisobga olib, ularni qo‘llab-quvvatlash hamda rag‘batlantirish siyosatini kuchaytirish ham muhim masala.
Shuningdek, Saylov qonunchiligimizda deputatlikka nomzodlarning kamida 40 foizi yoki har 5 nafardan
2 nafari ayol kishi bo‘lishi zururligiga oid norma mustahkamlangani ham xotin-qizlarimizning siyosiy hayotida yangi bosqich boshlanganidan dalolatdir.
Joriy yilda bo‘lib o‘tadigan saylovlarga Liberal-demokratik partiyadan ko‘rsatilgan nomzodlarning 43 foizi,
“Milliy tiklanish” demokratik partiyasidan ko‘rsatilgan jami nomzodlarning 43,4 foizi,
Ekologik partiyaning deputatlikka ko‘rsatilgan nomzodlarning 44,6 foizi,
Xalq demokratik partiyasidan ko‘rsatilgan nomzodlarning 47,4 foizi
“Adolat” sotsial-demokratik partiyasidan ko‘rsatilgan nomzodlarning 45 foizi ayollardan iboratdir. Natijalardan ko‘rinib turibdiki, qonunchilikda belgilangan ayol nomzodlar bo‘yicha
40 foizlik talabga barcha siyosiy partiyalar tomonidan to‘la amal qilingan.
Saylovda ishtirok etadigan partiyalar nomzodlarining 43 foizdan 47,4 foizigacha bo‘lgan qismi ayollardan iborat.
Bu esa yurtimizda xotin-qizlarni qo‘llab-quvvatlash, ularning jamiyatdagi o‘rnini mustahkamlash, davlat hokimiyatidagi qarorlar qabul qilishdagi ishtirokini kengaytirishga zamin bo‘ladi.
Shuningdek, hozirgi vaqtda umumiy saylovchilar soni 19 mln 696 ming 344 nafar bo‘lsa, shundan erkaklar 9 mln 12 ming 810 nafarni, ayol saylovchilar esa 10 mln 683 ming 534 nafarni tashkil etmoqda.
Yaʼni, saylovchilar tarkibida ayollar ulushi 54 foiz.
Yaxshi bilasiz, islohotlar natijasida O‘zbekiston tarixida ilk marotaba milliy parlamentda xotin-qizlar soni BMT tomonidan belgilangan tavsiyalarga mos darajaga yetib, mamlakatimiz parlamenti xotin-qizlar soni bo‘yicha dunyodagi 190 ta parlament orasida 52-o‘ringa ko‘tarilgan edi.
Yangi chaqiriqda parlamentimizda xotin-qizlar soni qanday bo‘lishi bu yilgi saylov natijalariga bog‘liq.
Faol va tashabbuskor ayollarning parlamentga kelishi xotin-qizlar huquq va mafaatlarini himoya qilishga qaratilgan saʼy-harakatlarni yana-da rivojlantirishga xizmat qiladi, albatta.
Shuningdek, saylov raqobatchi partiyalar, o‘z tashabbuslarini ilgari surayotgan kuchlar, xalq manfaatlarini ifoda etgan dasturlarini o‘z elektoratiga taqdim etayotgan nomzodlar kurashi ekanini barchamiz yaxshi bilamiz.
Biroq, partiyami, ayol yoki erkak nomzodmi siyosiy kurashlarda naqadar xilma-xil bo‘lmasinlar, ular O‘zbekistonimizning kuchli davlatga aylanishi, milliy yuksalishi yo‘lida bir gulxan atrofidagi bir maqsadli odamlardir aslida.
Shuningdek, aziz farzandlarimizning baxtu kamoli, yuqori sifatli taʼlim olishida, cheka qishloqlarda og‘irroq sharoitlarda yashayotgan ayol-qizlarimizning hayot tarzi yaxshilanishida, mavjud maʼnaviy-ijtimoiy muammolarga yechim topishda haqiqiy maʼnoda xalq vakili bo‘la oladigan nomzod ayollarning katta siyosiy maydonga kirib kelishi ham davr ehtiyojidir!
Qolaversa, islohotlarimizda ustuvorlik kasb etgan “Ayol hayotdan rozi bo‘lib, yayrab-yashnab yashashi kerak” degan kuchli hayotiy g‘oyaning amalga oshishi uchun ham, avvalo, ayol zotining o‘zi ham saylovchi, ham saylanuvchi sifatida faol bo‘lmog‘i g‘oyatda muhim!
Mamlakatimiz hayotida muhim hisoblangan siyosiy jarayonlar, saylov kompaniyasi targ‘ibotida ayniqsa ayollarning bu boradagi siyosiy, huquqiy bilimini yana-da oshirish muhim o‘rin tutadi. Axir mamlakatimizda saylash huquqiga ega aholining 50 foizidan ortig‘ini ayollarimiz tashkil qiladi.
Ishonamanki mazkur yo‘nalishda axborot kompaniyasini tashkil qilish va joylarda targ‘ibot ishlarini amalga oshirish, bunda madaniyat, sport, taʼlim, axborot texnologiyalari, to‘qimachilik va dizaynerlik, falsafa, psixologiya, adabiyot sohalarida yuqori cho‘qillarga erishgan ayollarning siyosiy faolligini namuna sifatida ko‘rsatish, ijtimoiy tarmoqlada keng targ‘ibot ishlarini tizimli tashkil qilish o‘zining ijobiy natijalarini ko‘rsatadi deb ta‘kidladi Axborot va ommaviy kommunikatsiyalar agentligining vakili Sadoqat Aslanova
Saylovlarda faol ishtirok etish bo‘yicha yosh oilalar va yosh xotin-qizlar, birinchi marotaba saylovda ishtirok etaligan yoshlar, xususan qizlar o‘rtasida targ‘ibot olib borish to‘g‘risida
Yoshlar ishlari agentligi vakili Nilufar Matkarimova o‘z fikr-mulohazalarini bildirdi.
Shuningdek, ijtimoiy-siyosiy jarayonlarda kuzatuvchi emas, faol ishtirokchi bo‘lish borasida xotin-qizlar o‘rtasida olib boriladigan targ‘ibot ishlari to‘g‘risida Qoraqalpog‘iston Respublikasi Vazirlar kengashi raisi o‘rinbosari – Oila va xotin-qizlar qo‘mitasi raisi Maryam Axmedova hamda
Qashqadaryo viloyati Oila va xotin-qizlar boshqarmasi boshlig‘i Ziyoda Aminovalar maʼlumot berdi.