Зарафшон шаҳри ҳокимлигида Маҳаллаларда ёшлар билан ишлаш масалаларини мувофиқлаштириш бўйича Зарафшон шаҳар комиссиясининг йиғилиши бўлиб ўтди.
2025-12-18 08:00:00 / Янгиликлар
Унга Зарафшон шаҳри ҳокими Назирбек Раҳманов раислик қилди. Йиғилишда шаҳар ДХХ бошлиғи, ИИБ бошлиғи, ДСИ бошлиғи, ҳоким ўринбосарлари, мутасадди идоралар вакиллари ва маҳалла еттилиги аъзолари иштирок этишди.
Йиғилишда шаҳримизда ёшлар масалалари бўйича ўтган даврда амалга оширилган ишлар танқидий таҳлил қилинди. Ёшлар бандлигини таъминлаш, ёшлар ўртасида жиноятчиликни олдини олиш, ёшларнинг вақтини мазмунли ташкил этиш ва уларнинг муаммоларини ҳал этишда йўл қўйилаётган камчиликлар айтиб ўтилди. Шунингдек, хатлов натижасида аниқланган ишсиз ёшларни ишга жойлаштириш бўйича топшириқлар берилди. Мавжуд муаммоларни бартараф этиш бўйича барча мутассаддиларга кўрсатмалар берилди.