Yoshlarni ommaviy sportga jalb qilishda faollik ko‘rsatgan mahalla mutasaddilari va murabbiylar e’tirof etildi
2026-04-24 11:10:00 / Янгиликлар
O‘zbekiston tumanidagi mahallalarda yoshlarni ommaviy sportga jalb qilish, yoshlar o‘rtasida sog‘lom turmush tarzini targ‘ib qilishdagi faolliklari uchun bir guruh mahalla mas’ullari hamda sport murabbiylariga Sport vazirligi tomonidan ta’sis etilgan esdalik sovg‘alari topshirildi.
Xususan, “Besh tashabbus olimpiadasi” sport musobaqalarini namunali tashkillash, bahslarning tuman, viloyat va respublika bosqichlarida natijadorlikka erishishdagi qo‘shgan munosib hissasi uchun bir qator mahalla raislari, mahalladagi yoshlar yetakchilari va murabbiy-seleksionerlar e’tirof etildi.
Mutasaddilarga kelgusida ham ana shunday tashabbuskorlik, fidoiylik, yangi zafar va omadlar yor bo‘lishiga tilaklar bildirildi.