Наврўз умумхалқ байрами арафасида Янгийўл шаҳрида замонавий спорт мактаби фойдаланишга топширилди
2026-03-18 09:05:00 / Янгиликлар
Давлатимиз раҳбарининг тегишли қарори ижроси доирасида республика бюджети маблағлари ҳисобидан 12 млрд сўмдан зиёд маблағ ажратилиб, спорт мактабида 24х30 ўлчамдаги спорт зали, 20х40 ўлчамдаги усти ёпиқ мини футбол майдончаси, замонавий трибуна, шифокорлар ҳамда тренерлар хоналари барпо этилди.
Шунингдек, ёш спортчилар учун резина қопламали югуриш йўлаги, баскетбол ва мини футбол майдончалари, теннис ҳамда волейбол майдончалари ҳам бунёд этилди.
Спорт мактаби ҳудудидаги 24х12 ўлчамдаги очиқ сузиш ҳавзаси ҳамда замонавий универсал спорт майдончаси ёшларнинг спорт билан фаол шуғулланишларига кенг имконият яратади.
Тантанали тадбирда сўзга чиққанлар Президентимиз ташаббуслари асосида ёш авлод учун яратилаётган шароитлар ўзининг ижобий самарасини беришини алоҳида таъкидлади.