Тошкент вилояти Янгийўл шаҳар ҳокимлиги

Шу муносабат билан Янгийўл шаҳар ҳокими Р.Раимов раислигида шаҳар прокурори Е.Санокулов, шаҳар ИИБ бошлиғи Е.Султонов, шаҳар Давлат солиқ инспекцияси бошлиғи Р.Бабаев, тегишли корхона ва ташкилотлар раҳбарлари ҳамда “маҳалла еттилиги” вакиллари иштирокида навбатдаги йиғилиш ўтказилди. Йиғилиш кун тартибига вояга етмаганлар фойдасига алимент ундириш билан боғлиқ масалалар киритилиб, мавжуд қарздорлик ҳолатлари, ижро интизоми ҳамда алимент тўловларининг ўз вақтида ва тўлиқ амалга оширилиши юзасидан олиб борилаётган ишлар муҳокама қилинди.

Мутасадди раҳбарлар томонидан ҳар бир мурожаат ва ижро ҳужжати кесимида таҳлиллар тақдим этилиб, алимент тўловидан бўйин товлаш ҳолатларининг олдини олиш, қарздорликни қисқартириш, фуқароларнинг ҳуқуқий онги ва масъулиятини ошириш бўйича аниқ чора-тадбирлар белгилаб олинди.

Ушбу йўналишда сектор раҳбарлари ва маҳаллалар билан ҳамкорликда манзилли ишлаш, ҳар бир оиланинг ҳолатини ўрганиш ҳамда муаммоларни жойида ҳал этиш устувор вазифа этиб белгиланди. Йиғилиш якунида масъул ташкилотларга алимент ундириш жараёнларини янада кучайтириш, ижро ҳужжатлари бажарилишини қатъий назоратга олиш ҳамда вояга етмаганларнинг манфаатларини таъминлаш борасидаги тизимли ишларни давом эттириш бўйича тегишли топшириқлар берилди.