Янги Наманган туманидаги “қизил” тоифадаги маҳаллаларда хавфсиз муҳитни мустаҳкамлашга қаратилган ўрганиш ишлари олиб борилди
2026-06-28 21:00:00 / Янгиликлар
Шу мақсадда Наманган вилояти ИИБ бошлиғи раҳбарлигидаги ишчи гуруҳ томонидан Янги Наманган туманининг “Саҳоват”, “Бунёдкор”, “Беруний” ва “Гулистон” маҳаллаларида туман ҳокими иштирокида навбатдаги комплекс ўрганиш ишлари ўтказилди.
Ўрганишлар давомида маҳаллалардаги мавжуд вазият, профилактик ишларнинг ташкил этилиши, масъул раҳбарлар ва соҳавий хизматлар томонидан амалга оширилаётган чора-тадбирлар атрофлича таҳлил қилиниб, ҳудудларда манзилли ишларни кучайтириш, профилактик тадбирлар самарадорлигини ошириш, маҳаллаларга бириктирилган масъулларнинг жавобгарлигини янада кучайтириш ҳамда профилактика инспекторлари, маҳалла фаоллари ва бошқа масъул идоралар ўртасидаги ҳамкорликни мустаҳкамлаш масалалари алоҳида муҳокама қилинди.
Шунингдек, ҳуқуқбузарликлар профилактикаси йўналишида алоҳида тоифадаги шахслар, ёшлар ва муаммоли оилалар билан ҳуқуқий тушунтириш ҳамда тарбиявий-профилактик ишларни манзилли ташкил этиш, аҳоли мурожаатлари ва ижтимоий муаммоларни ўз вақтида ўрганиш бўйича масъулларга тегишли вазифалар белгилаб берилди.
Ички ишлар органлари ходимлари томонидан ушбу йўналишдаги хизматлар кучайтирилган тартибда давом эттирилмоқда.