Янги Наманган туманида таълим соҳасини ривожлантиришга қаратилган очиқ мулоқот ўтказилди
2026-04-02 18:20:00 / Янгиликлар
Ҳозирги кунда 3–7 ёшли болалар қамрови 72,5 фоизга етказилган бўлса, 2026 йил якунигача қамровни 75 фоизга етказиш кўзланган. Умумтаълим мактабларида ҳам сифат кўрсаткичларини оширишга алоҳида эътибор қаратилмоқда. Бу ўқув йилида 11-синф битирувчиларининг 64,6 фоизи олий таълим муассасаларига кириши кутилмоқда.
Мулоқотда соҳадаги мавжуд муаммолар очиқ муҳокама қилинди. Жумладан, айрим маҳаллаларда давлат мактабгача таълим ташкилотлари етишмаслиги ва мавжуд боғчаларда навбатлар юқорилиги қайд этилди. Ушбу муаммоларни бартараф этиш мақсадида янги боғчалар қуриш ва қўшимча бинолар барпо этиш таклифлари илгари сурилди. Шунингдек, боғчаларда таомномага алоҳида эътибор қилиш, мактабларда натижадорликка эришиш зарурлиги таъкидланди.
Айтиш жоиз, мактаб ва боғчаларда инфратузилмани яхшилаш ва замонавий жиҳозлар билан таъминлаш ишлари ҳам босқичма-босқич амалга оширилмоқда. 2026 йилда ҳам маҳаллий бюджет ҳисобидан бир қатор таълим муассасаларида таъмирлаш ишлари бажарилади.
Йиғилиш якунида таълим сифатини ошириш, қамровни кенгайтириш ва замонавий тажрибаларни жорий этиш бўйича аниқ вазифалар белгилаб олинди.
Янги Наманган тумани ҳокимлиги ахборот хизмати