Ўзбекистон Республикаси Бош вазири ўринбосари - Оила ва хотин-қизлар қўмитаси раиси Зулайҳо Махкамова Озарбайжонда – маънавият, маданият ва ғалабанинг тимсоли бўлган парадда иштирок этмоқда.
2025-07-04 14:00:00 / Янгиликлар
Бош вазир ўринбосари – Оила ва хотин-қизлар қўмитаси раиси З.Б.Махкамова Озаррбайжонда Иқитисодий ҳамкорлик ташкилотининг 17-саммити доирасида ташкил этилган бир қатор нуфузли тадбирларда иштирок этмоқда.
Жумладан, Шуша шаҳридаги тарихий "Имарат" музей-қўрғони ва от спорти мажмуасида ташкил этилган Қорабоғ отларининг ғалаба парадида Ўзбекистон Республикаси Бош вазир ўринбосари З.Махкамова фахрий меҳмон сифатида иштирок этди.
Бу бетакрор тадбир халқлар ўртасидаги азалий қадриятлар, миллий мерос ва маданий дипломатиянинг уғунлашувини намойиш этди.
Тадбир доирасида З.Махкамова Озарбайжон Республикаси Оила, хотин-қизлар ва болалар муаммолари бўйича Давлат қўмитаси раиси Б.Муродова билан аёллар ўртасида от спортини ривожлантиришнинг муҳим жиҳатларини ҳам муҳокама қилди.
Бош вазир ўринбосари З.Махкамованинг ИХТнинг 17-саммити доирасидаги тадбирларда иштироки давом этмоқда.