Ҳайвонлар ўлатини жиловлашда муҳим кўмак
2025-04-10 10:15:00 / Янгиликлар
Халқаро озиқ-овқат ва қишлоқ хўжалиги ташкилотининг “Майда шохли ҳайвонлар ўлати эпидемиологик ҳолатини ўрганиш” лойиҳаси доирасида Ветеринария ва чорвачиликни ривожлантириш қўмитасига лаборатория материаллари ва диагностика реагентлари топширилди.
Майда шохли ҳайвонлар ўлати ушоқмолнинг юқумли касаллиги бўлиб, чорвачиликда салбий оқибатларга олиб келади. Касалликка қарши курашишда эрта диагностика ва самарали эпидемиологик назорат жуда катта аҳамиятга эга.
Топширилган материаллар вирусга қарши антителаларни аниқловчи замонавий ускуналар ҳисобланади.
Бундан ташқари, ветеринария мутахассислари ва фермерларга мазкур касалликнинг белгиларини аниқлаш, олдини олиш чоралари ва унинг профилактикаси хусусида тушунчалар берилди.
Сир эмас, ҳар қандай касалликнинг эҳтимолий тарқалишига тайёргарликни кучайтириш ва тезкор профилактика тадбирлари эпиззотик барқарорликни таъминлайди.