Мактабгача ва мактаб таълими вазирлиги томонидан ташкил этилган «Ўқувчи-ёшларни музейларга маърифий саёҳати» лойиҳаси доирасида август ойи якунига қадар фарзандингизни ёзги таътилда Тошкентдаги энг машҳур музейларга мутлақо БEПУЛ саёҳатга юбориш имконияти мавжуд.

Фойдали таътил ва жонли тарих!

Болангиз уйда зерикиб ўтириш ўрнига, пойтахтдаги муҳташам Ислом цивилизацияси марказига боради. У ерда халқимизнинг бой тарихи, буюк бобокалонларимизнинг қандай қилиб дунё тамаддунига қўшган ҳиссасини китобдан эмас, ўз кўзи билан кўриб ўрганади.

Бу шунчаки экскурция эмас — бутун бошли тарихга саёҳат!

Лойиҳада Бутун республикамиз бўйлаб 14 минг нафар фаол ўқувчи-ёшлар қамраб олинади. Жараён давомида болалар Ўзбекистон тарихи давлат музейи, Темурийлар тарихи давлат музейи, Қатағон қурбонлари хотираси музейи ҳамда Ғалаба боғи каби мамлакатимизнинг энг муҳим тарихий ва маданий масканларига олиб борилади.

Фарзандингиз ҳам шу қаторда бўлишини истасангиз, ҳудудингиздаги Мактабгача ва мактаб таълими бўлимларига бориб, ариза қолдиришингиз ёки қуйида келтирилган телефон рақамларга мурожаат қилишингиз мумкин:

Ўқувчиларнинг Тошкент шаҳрига маърифий саёҳатларини ташкил этишда ҳудудий мактабгача ва мактаб таълими бошқармаларидан бириктирилган масъуллар рўйхати