Франциянинг Ўзбекистондаги Фавқулодда ва Мухтор элчиси Уалид Фук, ЮНИСEФ ташкилотининг юртимиздаги ваколатхонаси раҳбари Регина Мария Кастижио Фарғона вилояти, Олтиариқ туманидаги 29-мактабда бўлди.

Мазкур мактаб “Uzbekistan Vision 2030” Ишонч жамғармаси лойиҳаси ҳисобидан таъмирланган бўлиб, инклюзив таълимга мослаштирилган.

Делегация вакиллари мактаб фаолияти билан яқиндан танишиб, ўқувчилар учун яратилган шароит ва имкониятларни, жумладан СТEАМ хонаси, инклюзив синф хоналари ҳамда махсус йўлакларни кўздан кечирди.

Шунингдек, ўқитувчилар ва ўқувчилар билан самимий суҳбат қуриб, таълим жараёнини бевосита кузатди.