“Ўзбекистон – 2030” стратегияси ва миллий таълим ислоҳотлари дастури доирасида, Ўзбекистон Республикаси Мактабгача ва мактаб таълими вазирлиги ҳамда Иқтисодиёт ва молия вазирлиги Андижон ва Самарқанд вилоятларида умумтаълим мактабларини ташкил этиш бўйича давлат-хусусий шериклик лойиҳасини амалга оширишни режалаштирмоқда. Лойиҳа доирасида умумий 10 000 ўқувчига мўлжалланган 12 та янги мактаб инфраструктураси барпо этилади.

Жаҳон банки гуруҳи аъзоси бўлган Халқаро молия корпорацияси билан ҳамкорликда, лойиҳани тайёрлаш ва тендер жараёнларини қўллаб-қувватлаш доирасида, Ҳукумат очиқ ва рақобатли халқаро танлов асосида малакали хусусий шерикни танлаб олишни ва кейинчалик узоқ муддатли давлат-хусусий шериклик шартномасини имзолашни мақсад қилган.

Давлат шериги сифатида ҳаракат қилувчи Мактабгача ва мактаб таълими вазирлиги ушбу лойиҳа бўйича Малакани баҳолаш сўровида (“RFQ”) иштирок этишга қизиқиш билдирган томонларни таклиф этади.

Тендер икки босқичда амалга оширилади:

1. Малакани баҳолаш сўрови (RFQ)
2. Таклифларни сўраш (Request for Proposal)

Қизиқиш билдирган томонлар ўз малакани баҳолаш аризаларини 2026 йил 3 март санасигача (Тошкент вақти билан соат 18:00 гача) Виртуал маълумотлар платформаси орқали тақдим этишлари мумкин.

Виртуал маълумотлар платформасига кириш, малакани баҳолаш аризаларини юбориш ёки Лойиҳа ва RFQ бўйича аниқлик киритиш учун сўров юбориш мақсадида, ҳар бир иштирокчи томоннинг вакили қуйидаги электрон почта манзилларига қизиқиш билдирган томоннинг номи, манзили ва бешта (5) тагача контакт электрон манзиллари рўйхатини юбориши лозим:

ХМК – Лойиҳанинг етакчи маслаҳатчиси: uzbekistan_schools_project@ifc.org

Кўчирма нусхаси (CC) учун:

MoPSE: Азамат Нишонов (a.nishonov@uzedu.uz)
MoEF: Xasan Mirzayev (Xasan.Mirzayev@imv.uz)