Наманган вилояти Уйчи тумани ҳокимлиги

Уйчи туманида 2025 йил ҳосили учун парвариш қилинаётган ғўза майдонларида агротехник тадбирларни ўтказишда қатнашадиган ОВХ пуркагичлар марказлашган ҳолда йиғилиб, техник кўрикдан ўтказилди ва механизаторчиларга тегишли кўрсатмалар берилди. Семинарда вилоят ҳокимининг қишлоқ хўжалиги масалалари бўйича маслаҳатчилари А.Жўраев, М.Жўраев, туман ҳокимининг ўринбосари, агроинспекция раҳбари, ўсимлик карантини ҳимояси инспекторлари иштирок этдилар. Семинарда ғўза зараркунандалари - кўсак қурти, ўргамчикканага қарши кимёвий ва биологик курашиш, биостимулятор билан баргидан озиқлантириш ишларини ташкил этиш тўғрисида тушунчалар бериб ўтилди. Ишчи гуруҳи томонидан 20 та ОВХ пуркагичнинг мавсумга тайёрлиги кўрилиб, тавсиялар берилди. Уйчи тумани ҳокимлиги Ахборот хизмати.