Наманган вилояти Уйчи тумани ҳокимлиги

Уйчи тумани Ғайрат маҳалласида жойлашган 41-мактабнинг собиқ бўш турган биносидан самарали фойдаланиш мақсадида “Жийдакапа Голд” МЧЖ томонидан мактабгача таълим ташкилоти ва мактаб ташкил этиш лойиҳаси ишлаб чиқилган. Туман ҳокими Музаффар Абдуллаев мазкур объектда бўлиб, амалга оширилаётган ишлар ва лойиҳа билан яқиндан танишди. Шунингдек, тадбиркор томонидан билдирилган таклиф ва ташаббуслар атрофлича ўрганилди. Қайд этилганидек, ушбу бинода келгусида замонавий талаблар асосида боғча ва мактаб фаолиятини йўлга қўйиш, болажонлар ва ўқувчилар учун қулай шарт-шароитлар яратиш кўзда тутилган. Бўш турган биноларни янги лойиҳалар асосида жонлантириш — ҳудудда ижтимоий инфратузилмани ривожлантириш, аҳолига қулайлик яратиш ва келажак авлод учун муносиб муҳит барпо этишга хизмат қилади.