Қурғоқчил ҳудудларда янги ўрмонлар барпо этиш бўйича халқаро ҳамкорлик кенгаймоқда
2026-09-09 16:50:00 / Янгиликлар
Учрашувда ўзаро ҳамкорлик алоқаларини мустаҳкамлаш, соҳа мутахассисларининг тажриба алмашинувини кенг йўлга қўйиш, соҳага замонавий технология ва ечимларни кенг жорий этиш каби масалалар муҳокама қилинди.
Шунингдек, янги ўрмонлар барпо этиш, яшил ҳудудларни кенгайтириш, деградацияга учраган ерларни тиклаш, чўлланишга қарши курашиш ҳамда қум ва чанг бўронларининг олдини олиш борасида минтақавий ҳамкорлик алоқаларини йўлга қўйиш алоҳида таъкидланди.
Шундан сўнг, меҳмонлар Марказий Осиё экологияси ва атроф-муҳит тадқиқотлари маркази фаолияти билан таништирилди.
Аҳамиятлиси, ҳамкорлик доирасида қурғоқчил ҳудудларда янги ўрмонлар барпо этиш орқали минтақада экологик барқарорликни таъминлаш, аҳоли яшаш пунктлари ва қишлоқ хўжалиги ерларини қум ва чанг бўронларидан ҳимоя қилиш ҳамда ерларда шўрланишнинг олдини олиш учун галофит боғларини ташкил этиш каби лойиҳалар амалга оширилиши мақсад қилинган.