Ўрмон ва яшил ҳудудларни кўпайтириш, чўлланишга қарши курашиш агентлиги

Тадбирда чўлланишга қарши курашиш, ер эрозиясининг олдини олиш, деградацияга учраган ерларни тиклаш, янги галофит боғлар барпо этиш ҳамда барқарор ўрмон хўжалигини ривожлантириш масалаларига алоҳида эътибор қаратилди.  

Аҳамиятлиси, меморандумга асосан ўзаро ҳамкорлик алоқаларини мустаҳкамлаш, соҳа мутахассисларининг ўзаро тажриба алмашинувини кенг йўлга қўйиш, ўрмон хўжалигида замонавий технологияларни жорий этиш ҳамда малакали кадрлар тайёрлаш ва янги иш ўринларини яратиш каби истиқболли лойиҳалар амалга оширилиши кўзда тутилган.

Таъкидлаш жоизки, ҳамкорлик доирасида экологик саноат моделини шакллантириш, агроўрмончилик ва чорвачиликни ривожлантириш, юқори самарадорликка эга сув тежовчи ақлли суғориш тизимларини ташкил этиш, шўрланиш даражасини аниқлаш ҳамда ерларнинг биологик ҳолатини босқичма-босқич яхшилаш бўйича ишлар амалга оширилади.  

Шунингдек, мазкур лойиҳалар орқали минтақада яшиллик даражасини ошириш, иқлим ўзгаришининг салбий оқибатларини юмшатиш, экологик барқарорликни таъминлаш ҳамда чўлланишнинг олдини олиш каби йўналишларда юқори натижалар кутилмоқда.