Сурхондарёда ўрмон майдонлари янада кенгайтирилади
2026-01-09 16:20:00 / Янгиликлар
Ўрмон агентлиги директори Эркин Муҳиддинов ва “SINOWAY FOREST” (Хитой) халқаро ташкилоти раиси Лию Тао ўртасида учрашув бўлиб ўтди.
Дастлаб Эркин Муҳиддинов меҳмонларга мамлакатимизда давлатимиз томонидан экологик барқарорликни таъминлаш, яшиллик даражасини ошириш, ўрмонлар барпо этиш ва тиклаш бўйича амалга ошилаётган ишлар ҳақида маълумот берди.
Учрашувда Сурхондарё вилоятида ҳамкорликда маҳаллий иқлим шароитига мос ўрмонлар барпо этиш, ўрмон ландшафтларини қайта тиклаш бўйича амалга ошириладиган лойиҳаларни барқарор молиялаштириш масалалари муҳокама қилинди.
“SINOWAY FOREST” халқаро ташкилоти вакиллари юртимизда ўрмон хўжалиги соҳасида олиб борилаётган ишларга қизиқиш билдириб, ҳамкорлик алоқаларини янада мустаҳкамлашга тайёр эканлигини таъкидлашди.
Якунда амалга ошириладиган истиқболдаги мақсад ва вазифалар белгилаб олинди.